”ინტერპრესნიუსი”
"მემარჯვენეებს" დეპუტატების 150-მდე შემცირების თაობაზე რეფერენდუმი არც 2005 წელს არ მოსწონდათ, თუმცა მხარი ხალხის ნების გათვალისწინების გამო დაუჭირეს.
პარლამენტის 2005 წლის 17 თებერვლის პლენარული სხდომის სტენოგრამული ჩანაწერი ჟურნალისტებს დღეს პარტია "თავისუფალი დემოკრატების" წევრმა გიორგი ცაგარეიშვილმა გააცნო.
მაშინ პარლამენტი 2003 წლის 2 ნოემბრის რეფერენდუმის შედეგთან დაკავშირებით, საკონსტიტუციო ცვლილებას იღებდა.
ამ ჩანაწერის მიხედვით, სხდომაზე "მემარჯვენე" ფიქრია ჩიხრაძე ამბობს, სამწუხაროდ, წინა ხელისუფლებას რეფერენდუმის თემა პარლამენტის საწინააღმდეგო კამპანიისთვის და ზოგადად, პარლამენტარიზმის იდეის წინააღმდეგ კამპანიისთვის დასჭირდა, რადგანაც პარლამენტი მაშინ იყო მძაფრად ოპოზიციური განწყობის, ოპოზიციური შემადგენლობის.
მისივე განცხადებით, როდესაც რეფერენდუმზე დგებოდა საკითხი პარლამენტართა რაოდენობის შემცირებისა, ხელისუფლებისთვის ეს იყო "პოლიტიკური პოზიციიდან პოლიტიკური ქულების მოტანის თვალსაზრისით რეფერენდუმზე დაყენებული საკითხი".
თუმცა, "მემარჯვენეებმა" საკონსტიტუციო ცვლილებას მხარი მაინც დაუჭირეს.
"მაგრამ, ვინაიდან ეს საკითხი დადგა რეფერენდუმზე და ვინაიდან საქართველოს მოსახლეობამ, უმეტესობამ საქართველოს მოსახლეობისა, ამ გადაწყვეტილებას მხარი დაუჭირა, ბუნებრივია პარლამენტი და პარლამენტში არსებული ყველა პოლიტკური ძალა თუ ჯგუფი, ამ მოსაზრებას ანგარიშს უწევს და ჩვენ, ჩვენი პოლიტიკური ფრაქცია, რა თქმა უნდა, პარლამენტართა რაოდენობის შემცირებას დღეს აქ კენჭისყრის დროს, მხარს დაუჭერს", – განაცხადა ჩიხრაძემ 2005 წლის 17 თებერვლის პლენარულ სხდომაზე.
დეპუტატთა რაოდენობა 2003 წლის რეფერენდუმის საფუძველზე შემცირდა, ხელისუფლებისა და რამდენმე ოპოზიციური პარტიის შეთანხმებით კი, პარლამენტის წევრთა რაოდენობა 150-დან 190-მდე უნდა გაიზარდოს.
http://www.interpressnews.ge/ge/politika/173321-qmemarjveneebsq-deputatebis-150-mde-shemcirebis-thaobaze-referendumi-arc-2005-tsels-mostsondath.html
"მემარჯვენეებს" დეპუტატების 150-მდე შემცირების თაობაზე რეფერენდუმი არც 2005 წელს არ მოსწონდათ, თუმცა მხარი ხალხის ნების გათვალისწინების გამო დაუჭირეს.
პარლამენტის 2005 წლის 17 თებერვლის პლენარული სხდომის სტენოგრამული ჩანაწერი ჟურნალისტებს დღეს პარტია "თავისუფალი დემოკრატების" წევრმა გიორგი ცაგარეიშვილმა გააცნო.
მაშინ პარლამენტი 2003 წლის 2 ნოემბრის რეფერენდუმის შედეგთან დაკავშირებით, საკონსტიტუციო ცვლილებას იღებდა.
ამ ჩანაწერის მიხედვით, სხდომაზე "მემარჯვენე" ფიქრია ჩიხრაძე ამბობს, სამწუხაროდ, წინა ხელისუფლებას რეფერენდუმის თემა პარლამენტის საწინააღმდეგო კამპანიისთვის და ზოგადად, პარლამენტარიზმის იდეის წინააღმდეგ კამპანიისთვის დასჭირდა, რადგანაც პარლამენტი მაშინ იყო მძაფრად ოპოზიციური განწყობის, ოპოზიციური შემადგენლობის.
მისივე განცხადებით, როდესაც რეფერენდუმზე დგებოდა საკითხი პარლამენტართა რაოდენობის შემცირებისა, ხელისუფლებისთვის ეს იყო "პოლიტიკური პოზიციიდან პოლიტიკური ქულების მოტანის თვალსაზრისით რეფერენდუმზე დაყენებული საკითხი".
თუმცა, "მემარჯვენეებმა" საკონსტიტუციო ცვლილებას მხარი მაინც დაუჭირეს.
"მაგრამ, ვინაიდან ეს საკითხი დადგა რეფერენდუმზე და ვინაიდან საქართველოს მოსახლეობამ, უმეტესობამ საქართველოს მოსახლეობისა, ამ გადაწყვეტილებას მხარი დაუჭირა, ბუნებრივია პარლამენტი და პარლამენტში არსებული ყველა პოლიტკური ძალა თუ ჯგუფი, ამ მოსაზრებას ანგარიშს უწევს და ჩვენ, ჩვენი პოლიტიკური ფრაქცია, რა თქმა უნდა, პარლამენტართა რაოდენობის შემცირებას დღეს აქ კენჭისყრის დროს, მხარს დაუჭერს", – განაცხადა ჩიხრაძემ 2005 წლის 17 თებერვლის პლენარულ სხდომაზე.
დეპუტატთა რაოდენობა 2003 წლის რეფერენდუმის საფუძველზე შემცირდა, ხელისუფლებისა და რამდენმე ოპოზიციური პარტიის შეთანხმებით კი, პარლამენტის წევრთა რაოდენობა 150-დან 190-მდე უნდა გაიზარდოს.
http://www.interpressnews.ge/ge/politika/173321-qmemarjveneebsq-deputatebis-150-mde-shemcirebis-thaobaze-referendumi-arc-2005-tsels-mostsondath.html