”ინტერპრესნიუსი”
"ქართული პარტიის" თავმჯდომარე სოზარ სუბარს ლოგიკურად მიაჩნია ის შედეგი, რომლითაც ხელისუფლებისა და "რვიანის" მოლაპარაკებები დასრულდა.
როგორც პარტიის პრესსამსახურის მიერ გავრცელებულ ინფორმაციაშია აღნიშნული, სოზარ სუბარის განცხადებით, ხელისუფლება საერთო-სახალხო ზეწოლის გარეშე არაფერს დათმობს, რადგან "საარჩევნო გარემოს გაუმჯობესება ხელისუფლებისთვის რევოლუციის ტოლფასია".
"საარჩევნო გარემოს გაუმჯობესების მცდელობა ერთადერთი მოსალოდნელი შედეგით დამთავრდა. ხელისუფლებამ არაფერი დათმო. მის შეთავაზებებში ერთი წინადადებაც კი არ არის, რომელიც საარჩევნო გარემოს გაუმჯობესებას შეეხება. ეს დაემსგავსა პოლიტიკურ დიალოგში მონაწილე პარტიების იაფფასიან მოსყიდვას. გამართლდა ის, რასაც ჩვენ ვამბობთ - საერთო-სახალხო ზეწოლის გარეშე კრიმინალური ხელისუფლება არაფერს დათმობს, ვინაიდან საარჩევნო გარემოს გაუმჯობესება სწორედ რევოლუციის მოხდენას ნიშნავს. სააკაშვილის ხელისუფლება რევოლუციურ ცვლილებებზე არ წავა, რადგან კარგად იცის, რომ საარჩევნო გარემოს გაუმჯობესება მისთვის არჩევნების წაგებას ნიშნავს, არჩევნების წაგება კი ციხეში წასვლას", - აცხადებს სოზარ სუბარი.
"ქართული პარტიის" თავმჯდომარეს გამოსავლის ერთადერთ გზად მიაჩნია საერთო-სახალხო ძალისხმევით დღევანდელი რეჟიმის იძულება, რომ "ან ხელისუფლებიდან წავიდეს ან ისეთი არჩევნები ჩაატაროს, რომლის შედეგადაც ხელისუფლება რეალურად შეიცვლება".
http://www.interpressnews.ge/ge/politika/173010-sozar-subari-khelisufleba-saertho-sakhalkho-zetsolis-gareshe-arafers-dathmobs.html
"ქართული პარტიის" თავმჯდომარე სოზარ სუბარს ლოგიკურად მიაჩნია ის შედეგი, რომლითაც ხელისუფლებისა და "რვიანის" მოლაპარაკებები დასრულდა.
როგორც პარტიის პრესსამსახურის მიერ გავრცელებულ ინფორმაციაშია აღნიშნული, სოზარ სუბარის განცხადებით, ხელისუფლება საერთო-სახალხო ზეწოლის გარეშე არაფერს დათმობს, რადგან "საარჩევნო გარემოს გაუმჯობესება ხელისუფლებისთვის რევოლუციის ტოლფასია".
"საარჩევნო გარემოს გაუმჯობესების მცდელობა ერთადერთი მოსალოდნელი შედეგით დამთავრდა. ხელისუფლებამ არაფერი დათმო. მის შეთავაზებებში ერთი წინადადებაც კი არ არის, რომელიც საარჩევნო გარემოს გაუმჯობესებას შეეხება. ეს დაემსგავსა პოლიტიკურ დიალოგში მონაწილე პარტიების იაფფასიან მოსყიდვას. გამართლდა ის, რასაც ჩვენ ვამბობთ - საერთო-სახალხო ზეწოლის გარეშე კრიმინალური ხელისუფლება არაფერს დათმობს, ვინაიდან საარჩევნო გარემოს გაუმჯობესება სწორედ რევოლუციის მოხდენას ნიშნავს. სააკაშვილის ხელისუფლება რევოლუციურ ცვლილებებზე არ წავა, რადგან კარგად იცის, რომ საარჩევნო გარემოს გაუმჯობესება მისთვის არჩევნების წაგებას ნიშნავს, არჩევნების წაგება კი ციხეში წასვლას", - აცხადებს სოზარ სუბარი.
"ქართული პარტიის" თავმჯდომარეს გამოსავლის ერთადერთ გზად მიაჩნია საერთო-სახალხო ძალისხმევით დღევანდელი რეჟიმის იძულება, რომ "ან ხელისუფლებიდან წავიდეს ან ისეთი არჩევნები ჩაატაროს, რომლის შედეგადაც ხელისუფლება რეალურად შეიცვლება".
http://www.interpressnews.ge/ge/politika/173010-sozar-subari-khelisufleba-saertho-sakhalkho-zetsolis-gareshe-arafers-dathmobs.html