”ინტერპრესნიუსი”

"რესპუბლიკური პარტიის" თავმჯდომარე დავით უსუფაშვილი, "თავისუფალი–დემოკრატების" ლიდერი ირაკლი ალასანია და "ეროვნული ფორუმის" თავმჯდომარე კახა შარტავა ხვალ, ბათუმში, სასტუმრო "შერატონში" ამერიკელ კონგრესმენებს შეხვდებიან.
როგორც "ინტერპრესნიუსს" "რესპუბლიკელებიდან" აცნობეს, შეხვედრა 16:00 საათზე დაიწყება და მისი ერთ-ერთი მთავარი თემა საარჩევნო გარემო იქნება. უსუფაშვილი, ალასანია და შარტავა კონგრესმენებს ხელისუფლების მიერ შეთავაზებულ საარჩევნო ცვლილებებსა და მათზე საკუთარ პოზიციებს გააცნობენ. ამერიკელ კონგრესმენთა ამ ჯგუფს დენ ბარტონი ხელმძღვანელობს. აპრილის შემდეგ ეს საქართველოში ამერიკელი კონგრესმენების რიგით მეხუთე ვიზიტია.

http://www.interpressnews.ge/ge/politika/173022-davith-usufashvili-irakli-alasania-da-kakha-shartava-khval-amerikel-kongresmenebs-shekhvdebian.html