13.10.2011
პოლიტოლოგ რამაზ საყვარელიძის შეფასებით, მმართველი გუნდის რეიტინგთან დაკავშირებით NDI-ს ბოლო კვლევის "ნაციონალური მოძრაობის" მიერ გაჟღერებული მონაცემები რეალურია.
როგორც საყვარელიძემ "პირWელს" განუცხადა, "ამ რეალობის განცდას ის კომპონენტი ქმნის, რომ 52%-იანი მაჩვენებელი "ნაციონალური მოძრაობისთვის" მაღალი პროცენტი არ არის".
"ვფიქრობ, ეს რეალური ციფრია, რადგან 50%-იან ზღვარს ძალიან არ გაადაბიჯეს. არც ისაა გასაკვირი, რომ ლიდერს უფრო მაღალი რეიტინგი ჰქონდეს, ვიდრე პოლიტიკურ პარტიას",- განაცხადა საყვარელიძემ.
ამავდროულად, ექსპერტის შეფასებით, "სოციოლოგიური კვლევების შედეგი საზოგადებაში არსებულ შიშის ფაქტორზეცაა დამოკიდებული და აქედან გამომდინარე, ეს მაჩვენებელი, შესაძლოა, ოდნავ აწეული იყოს, თუმცა არა მნიშვნელოვნად".
შეგახსენებთ, რომ "ნაციონალური მოძრაობის" ერთ-ერთი ლიდერის პეტრე ცისკარიშვილის ინფორმაციით, "ნაციონალური მოძრაობის" რეიტინგი კვლავ მაღალია".
"ნაციონალური მოძრაობა" პირველი პარტიაა, რომლის წარმომადგენლები NDI -ს კვლევის შედეგებს გაეცნენ.
როგორც ცისკარიშვილმა "პირWელს" განუცხადა, "ნაციონალური მოძრაობის" პარტიული რეიტინგი 52%-ია.
მისივე თქმით, "საკმაოდ მაღალია პრეზიდენტ მიხეილ სააკაშვილის საქმიანობის შეფასებითი რეიტინგიც და ეს მაჩვენებელი 60%-ს აღემატება".
"ჩვენ თვალს ვუსწორებთ ყველა იმ პრობლემას, რომელსაც, NDI-ს კვლევის მიხედვით, საზოგადოება მიუთითებს, მაგრამ მნიშვნელოვანია ისიც, რომ მოსახლეობა ქვეყანაში განხორციელებულ რეფორმებსა და ცვლილებებს მხარს უჭერს", - დასძინა ცისკარიშვილმა.
