16.12.2011
"ეროვნულ ფორუმს" ბიძინა ივანიშვილის კოალიციაში გაწევრიანების შესახებ ბიზნესმენთან შეხვედრა და კონსულტაციები არ ჰქონია.
ამის შესახებ "ეროვნული ფორუმის" ლიდერმა კახა შარტავამ განაცხადა.
"კოლიციაში გაერთიანება ორმხრივი სურვილის საფუძველზე შეიძლება. ჩვენ ამ კოალიციას პოლიტიკური გზით ჩამოყალიბებას ვაცდით და პროცესების განვითარებას დავაკვირდებით. ოპოზიციურ პოლიტიკურ დაჯგუფებასთან საერთო ენისა და თანამშრომლობის გზების გამონახვის სურვილი, რა თქმა უნდა, გვაქვს, თუმცა რა ფორმას მიიღებს ეს ყველაფერი, ამაზე ლაპარაკი ნაადრევია, მითუმეტეს - მანამ, სანამ ივანიშვილი პარტიის ჩამოყალიბებას არ დაასრულებს და არ გამოიკვეთება, რა შინაარსისა და რა სახის იქნება ის პოლიტიკური სუბიექტი, რომელიც აღნიშნულ კოალიციაში ერთ-ერთი ცენტრალური ფიგურა იქნება", - განაცხადა შარტავამ.
