16.12.2011
პარლამენტის თავმჯდომარე დავით ბაქრაძე პოლიტიკურ ჯგუფებს შეთანხმების გზით მიღწეული გადაწყვეტილებების შეთანხმებითვე გადახედვისკენ კიდევ ერთხელ მოუწოდებს.
მომავალ პარლამენტში დეპუტატთა რაოდენობის გაზრდის საკითხი და მასთან დაკავშირებით ინიცირებული საკანონსტიტუციო ცვლილების პროექტი, რომელსაც "ქრისტიან-დემოკრატები" უკვე ღიად ემიჯნებიან, მსჯელობის საგანი ბიუროს სხდომაზეც გახდა.
ბაქრაძემ როგორც უმრავლესობას, ასევე უმცირესობას შეახსენა, რომ აღნიშნული საკითხი კონსენსუსის შედეგია.
მისივე აზრით, "თუკი მხარეებს შეთანხმების გახორციელება აღარ სურთ, ახალი შეთანხმების პარამეტრები უნდა შედგეს".
ბაქრაძე მმართველ გუნდს და შეთანხმებაში მონაწილე ოპოზიციურ ძალებს კონსულტაციებისკენ მოუწოდებს და მზად არის, ამ პროცესში თავადაც ჩაერთოს.
