16.12.2011
ამერიკის შეერთებული შტატების სახელმწიფო მდივნის თანაშემწის მოადგილის ევროპისა და ევრაზიის საკითხებში ერიკ რუბინის განცხადებით, "ბიზნესმენ ბიძინა ივანიშვილის პოლიტიკაში გამოჩენამ საქართველოში არჩევნების მიმართ აშშ-ის ინტერესი დააჩქარა".
"ახალი მემარჯვენეების" ერთ-ერთი ლიდერის დავით გამყრელიძის ინფორმაციით, ამის შესახებ რუბინმა დღეს ქართველ ოპოზიციონერ ლიდერებთან შეხვედრაზე განაცხადა.
"შეხვედრაზე საუბარი საგარეო საკითხებთან ერთად, საქართველოს შიდა პოლიტიკასაც შეეხო. ბატონმა რუბინმა აღნიშნა, რომ ბიძინა ივანიშვილის პოლიტიკაში გამოჩენამ საქართველოში არჩევნების მიმართ ინტერესი დააჩქარა და აშშ-მა ჩვენს ქვეყანაში საარჩევნო პროცესზე დაკვირვება ვადაზე ადრე დაიწყო. მისივე თქმით, მიუხედავად იმისა, რომ აშშ-ს შიდა პრობლემები აქვს ეკონომიკური კუთხით და ამასთან, თავადაც არჩევნები ელის, საქართველოს საკითხი დღის წესრიგიდან არ იხსნება", - განუცხადა "პირWელს" გამყრელიძემ.
ქართული ოპოზიციის ლიდერებიდან შეხვედრას ირაკლი ალასანია, დავით უსუფაშვილი, გიორგი თარგამაძე და კახა შარტავაც ესწრებოდნენ.
