მოძრაობა "ჩვენ თვითონ" და "ეროვნულ-დემოკრატიული პარტია" თვლიან, რომ საარჩევნო გარემოს გაუმჯობესების მიზნით ხელისუფლებასთან მიღწეული შეთანხმებები "იდეალურ საარჩევნო გარემოს არ ქმნის, თუმცა ამ ეტაპზე ხელისუფლებასთან მოლაპარაკებების მაქსიმალური შესაძლებელი შედეგია".
როგორც ჟურნალისტებს "ჩვენ თვითონის" წარმომადგენელმა ლევან გაბრიჩიძემ განუცხადა, "როცა ხელისუფლება თანმხვედრ ნაბიჯებს დგამს, ოპოზიციამაც თანმხვედრი გზით და არა რადიკალური გადაწყვეტილებებით უნდა იმოქმედოს".
ედპ-ის წარმომადგენელმა გოგა გოგნიაშვილმა კი ყურადღება არჩევნებისადმი საზოგადოების ნდობის ამაღლებაზე გაამახვილა.
როგორც მან ჟურნალისტებს განუცხადა, "როგორც კი საკანონმდებლო ორგანო ახალ საარჩევნო კანონს დაამტკიცებს, სპეციალური მონიტორინგის ჯგუფები შეიქმნება, რომლებიც ამომრჩეველთა სიებსა და ადმინისტრაციული რესურსის ბოროტად გამოყენების პროცესს გააკონტროლებს".
ედპ და "ჩვენ თვითონ" ხელისუფლებასთან საარჩევნო შეთანხმებას რამდენიმე წუთის წინ შეუერთდნენ.
http://pirweli.com.ge/index.php?option=com_content&task=view&id=73431
