”პირველი”

"საქართველოს მწვანეთა პარტიის" შეფასებით, ხელისუფლების მხრიდან საარჩევნო გარემოს შეცვლის მიზნით შემოთავაზებული წინადადებები "არა მარტო უზნეო, არამედ ანტიკონტსიტუციურიცაა".

"როგორც ჩანს, "რვიანის" შემადგენელი ზოგიერთი პარტია, ხელისუფლების მხრიდან შემოთავაზებული "საარჩევნო გარემოს გაუმჯობესების" წინადადებების აბსურდულობის მიუხედავად, მათზე დათანხმებას მაინც აპირებს.
ყველაზე კატასტროფული ამ შეთავაზებებში, რომელიც ხელისუფლების სასიცოცხლო ინტერესებშია და მას ისევ უმრავლესობაში მისვლის 100%-იან გარანტას აძლევს, პარლამენტის დეპუტატების რაოდენობის გაზრდაა, რომლითაც ის ცდილობს, მაჟორიტარების წილი პარლამენტარების საერთო რაოდენობიდან 33%-დან (50 მაჟორიტარი 150 დეპუტატში) 44%-მდე (87 მაჟორიტარი 190 დეპუტატში) გაზარდოს. შეგახსენებთ, რომ 2003 წლის რეფერენდუმით საქართველოს პარლამენტის წევრთა რაოდენობა არაუმეტეს 150-ით განისაზღვრა. შესაბამისად, რეფერენდუმის შედეგად მიღებული გადაწყვეტილების შეცვლა ან გაუქმება მხოლოდ რეფერენდუმითაა შესაძლებელი", - ნათქვამია პარტიის მიერ გავრცელებულ განცხადებაში.

ამასთან, "მწვანეთა პარტია" ყველა პოლიტიკურ  და საზოგადოებრივ ორგანიზაციას "უმსგავსობის წინააღმდეგ ხმის ამაღლებისკენ" მოუწოდებს.

http://pirweli.com.ge/index.php?option=com_content&task=view&id=73411&Itemid=1