პარლამენტის პირველი ვიცე-სპიკერის მიხეილ მაჭავარიანის აზრით, "ყველა იმ პოლიტიკური პარტიისთვის, რომელმაც საარჩევნო საკითხებთან დაკავშირებით ხელისუფლებასთან შეთანხმებას მიაღწია და ამ მიმართულებით სამუშაო პროცესში ჩაერთო, გასული წლების გამოცდილება პოლიტიკური გაკვეთილი აღმოჩნდა".
ამ კონტექსტში მაჭავარიანი განსაკუთრებულ აქცენტს "ახალ მემარჯვენეებზე" აკეთებს.
"მე ეს პოლიტიკური გაკვეთილები და ის, თუ ვინ რა მიიღო ამ გაკვეთილიდან, კარგად მახსოვს. როგორც ჩანს, ეს "ახალმა მემარჯვენეებმაც" კარგად გაიგეს, რომელთაც რაღაცის მიღების შანსი ბევრჯერ ჰქონდათ. მაგალითად, ეს 100/50-ზე საარჩევნო სისტემას, პარლამენტში შესვლის თემასა და სხვა საკითხებს ეხებოდა. როგორც ჩანს, "ახლებმა" გააანალიზეს, რომ ის, რაც მათ საარჩევნო საკითხებთან დაკავშირებით მიიღეს, მაქსიმუმია, რისი მიღებაც შეიძლება" - განაცხადა მაჭავარიანმა "პირWელთან" საუბრისას ე.წ. "ექვსიანის" ჩამოყალიბებისა და მისი მიზნების კომენტირებისას.
პარლამენტის პირველმა ვიცე-სპიკერმა აქვე აღნიშნა, რომ "თავად სახელისუფლებო გუნდის მიზანია, ახალი საარჩევნო კანონმდებლობის მიმართ საზოგადოების მხრიდან რაც შეიძლება, მაღალი ნდობა არსებობდეს".
"არ არსებობს ისეთი სისტემა, რომელშიც ჩაიწერება, არჩევნებში კონკრეტულად რომელი პარტიები უნდა გავიდნენ. ამისთვის სხვა რამაა საჭირო" - დასძინა მაჭავარიანმა.
იხილეთ დედანი
