www.forumi.ge
22.12.2011
22.12.2011
საქართველოს ქალთა პარტია "სამართლიანობის და თანასწორობისათვის",
"ქართველ ტრადიციონალისტთა კავშირი",
პოლიტიკური გაერთიანება "ეროვნული ფორუმი"
გ ა ნ ც ხ ა დ ე ბ ა
პოლიტიკური პარტიების და გაერთიანებების შექმნა განპირობებულია იმ აქტუალური ამოცანებით, რომელთა გადასაჭრელად უფრო ეფექტურია ერთობლივი მოქმედება. სწორედ ეს იყო თავის დროზე ჩვენი პარტიების ერთ პოლიტიკურ ბლოკში გაერთიანების საფუძველი. საარჩევნო გარემოს გაუმჯობესება, არჩევნების გზით ხელისუფლების შეცვლა იყო საერთო ამოცანა ოპოზიციური რვიანისა. ჩვენმა პარტიებმა ჩათვალეს, რომ ამ პროცესში რაც შეიძლება მეტ პოლიტიკურ ძალას უნდა მიეღო აქტიური მონაწილეობა. ჩვენი გაერთიანებით შევქმენით ასეთი მჭიდრო თანამშრომლობის პრეცედენტი Mდა აქტიური მუშაობა გავწიეთ Yყველა პოლიტიკურ ძალასთან, რომელიც ოპოზიციურ ფლანგზე იდგა, მათ შორის იმ პარტიებთანაც, რომლებიც არ აღიარებდნენ არჩევნებით ხელისუფლების შეცვლის პრიორიტეტს. სხვადასხვა გარემოებათა გამო ბრძოლა საარჩევნო გარემოს თვისობრივი გაუმჯობესებისათვის სათანადო შედეგით ვერ დამთავრდა.
დღევანდელი პოლიტიკური ვითარება, როცა არსებული ოპოზიციური პარტიებიდან თითქმის ყველა აღიარებს არჩევნებით ხელისუფლების შეცვლის პრიორიტეტს, ჩვენი პარტიების თანამშრომლობა ბლოკის სახით აღარ წარმოადგენს აუცილებლობას. მით უმეტეს, რომ არსებობს პოლიტიკურ პარტიებს შორის უფრო დიდი თანამშრომლობის ალტერნატივები. მიგვაჩნია, რომ არსებული სახით პოლიტიკური ბლოკის არსებობა აღარაა მიზანშეწონილი და ის დაშლილად ცხადდება. ქვეყნის წინაშე მდგარი ამოცანებიდან გამომდინარე, თვითეული ჩვენგანი გააგრძელებს აქტიურ პოლიტიკურ საქმიანობას და ოპოზიციურ ძალებთან თანამშრომლობას.
საქართველოს ქალთა პარტია” სამართლიანობის და თანასწორობისათვის”;
"ქართველ ტრადიციონალისტთა კავშირი"
პოლიტიკური გაერთიანება “ეროვნული ფორუმი”
თბილისი, 22 დეკემბერი 2011