”პირველი”

სასტუმრო "ამბასადორში" "ახალგაზრდობა სამართლიანი არჩევნებისთვის" უკრაინის რადას დეპუტატ ანდრეი შევჩენკოსთან შეხვედრას გამართავს.

ახალგაზრდა ლიდერები უკრაინელ დეპუტატს საქართველოში არჩევნების მიმართულებით არსებულ პრობლემებზე ინფორმაციას მიაწვდიან.

დღევანდელ შეხვედრას პოლიტიკური პარტიების - "საქართველოს რესპუბლიკური პარტია", "ახალგაზრდული ფორუმი", "ჩვენი საქართველო - თავისუფალი დემოკრატები”, "საქართველოს გზა", "ეროვნულ-დემოკრატიული პარტია", "ქართული დასი", "ჩვენ თვითონ", "ეროვნული საბჭო", "სოციალ-დემოკრატიული პარტია", "ქალთა პარტია" ახალგაზრდული ორგანიზაციებისა და საერთაშორისო რესპუბლიკური ინსტიტუტის წარმომადგენლები დაესწრებიან.

შეგახსენებთ, რომ "ახალგაზრდობა სამართლიანი არჩევნებისთვის" "ახალგაზრდული ფორუმისა" და "საერთაშორისო რესპუბლიკური ინსტიტუტის" (IRI) ერთობლივი პროექტია და იგი "აშშ საერთაშორისო განვითარების სააგენტოს" (USAID) ფინანსური მხარდაჭერით ხორციელდება.


იხილეთ დედანი