”ექსპრესნიუსი”
15.07.11 

„თავისუფალი დემოკრატების“ ლიდერმა ირაკლი ალასანიამ კითხვებს დევნილებთან დაკავშირებითაც უპასუხა.
მისი თქმით, ხელისუფლებამ პირველ რიგში სწორედ ამ კატეგორიის ხალხზე უნდა იზრუნოს.
„ამ ადამიანებზე ზრუნვა არ უნდა იყოს მხოლოდ სოციალური პაკეტი და მხარდაჭერა. სამწუხაროდ ის შეღავათები რაც ქონდათ აღარ არსებობს, უცილებლად უნდა აღუდგეთ. მათ  უნდა ჰქონდეთ ხელისუფლებისი მხრიდან მხარდაჭერა“,- აღნიშნა მან.
მისი თქმით, სოციალური  დახმარებები არ უნდა იყოს საარსებო მინიმუმზე ნაკლები.
„და ყველაზე მთავარი კი არის ის, რომ პიროვნულად გავიზიაროთ მათი გასაჭირი და მხარში დავუდგეთ. აუცილებელია მათ ესაუბრონ იმაზე, რომ დაბრუნდებიან აფხაზეთში, საკუთარ მიწაზე, რათა იგრძნონ, რომ რეალურად ხელისუფლება მათ გვერდშია დ მათ პრობლემებზე ზრუნავს“,- აღნიშნა ალასანიამ.
მისივე თქმით, დევნილების გაყოფა რომელიც არსებობს  2008 წლამდე და 2008 წლის შემდეგ აუცილებლად უნდა მოიხსნას, რადგან ეს არ არის ეთიკური.
„ფეისბუკში“ ონლაინ კონფერენცია დასრულდა, დარჩენილ კითხვებს ალასანია თავისივე გვერდზე უპასუხებს.

იხილეთ დედანი