როგორც ჩანს, ქვეყანაში პოლიტიკური არდადეგები და დიდი ანგარიშსწორება ერთდროულად იწყება. ურთიერთბრალდებები, ,,ორი სიმართლე'', ,,გულწრფელი აღიარებები'' და ეს ყველაფერი არაა, რასაც 9ჯერ დაშლილაწყობილი ოპოზიცია წინასაარჩევნოდ შემოგვთავაზებს. მეორე მხრივ, სააკაშვილმა ქვეყანა ლამის საუკუნის ჩიხში შეიყვანა და რომ არა პატრიარქის მიერ გამოწვდილი დახმარების ხელი, ხელისუფლებასაპატრიარქოს ღია დაპირისპირების ზღვარზე აღმოვჩნდებოდით. ბევრი რომ არ გავაგრძელოთ, ბოლო პერიოდის ყველაზე ხმაურიან თემებზე ,,ვერსიის'' კითხვებს ,,ნაციონალების'' მთავარ დე ფაქტო თუ არა, დე იურე კონკურენტად შერაცხული პარტიის, ქრისტიანდემოკრატების ერთერთი ლიდერი, ვისთვის ქადაგად დავარდნილი, ვისთვის გულწრფელი ლევან ვეფხვაძე პასუხობს:    

  _ საკითხი არასწორად გაშუქდა და საპატრიარქომდეც არაზუსტი ინფორმაცია მივიდა. ჩვენ ვითხოვთ მართლმადიდებლობის არა სახელმწიფო, არამედ ოფიციალურ რელიგიად აღიარებას. ეს სრულიად ახალი სტატუსია. უკვე შევხვდით ეპარქიის რამდენიმე ხელმძღვანელს, ვგეგმავთ შეხვედრებს საპატრიარქოსთანაც, რათა ჩვენი პოზიცია განვუმარტოთ და ის სქემა გავაცნოთ, რასაც სამი წელია ვამუშავებთ. მიგვაჩნია, რომ კონკორდატის სტატუსი უნდა გაიზარდოს და მისი მუხლი კონსტიტუციაში აისახოს. ჩვენ ფინეთის მოდელი გვაქვს აღებული, რომელიც, რატომღაც, უსამართლოდ ჩაითვალა. იქ ოფიციალური რელიგიის სტატუსი ლუთერანობას აქვს და მასთან გათანაბრებულია მართლმადიდებლობა. სხვა დანარჩენი რელიგიები კი კერძო სამართლის იურიდიული პირები არიან. 

 _ მერე, როგორ ფიქრობთ, ამ მოდელს საპატრიარქოს მხარდაჭერა ექნება? 

_ ეს არის მოდელი, რომელიც არ ხელყოფს საერთო ევროპულ სტანდარტს და ჩვენც გვჭირდება. სხვა რელიგიურმა უმცირესობებმა ძალიან კარგად იციან, რომ ეს რელიგია ჩვენს ქვეყანაში ტრადიციულად გაბატონებული და უპირატესია.  

_ განსხვავებულს მაინც არაფერს ამბობთ, ჩვენი რელიგიაც გაბატონებულია ქვეყანაში და თქვენი მოდელი სხვა რელიგიებს სტატუსს ისედაც ანიჭებს. მაშინ ის ვეღარ გავიგე, რას მოითხოვთ? თან ოქტომბრამდე 200 000 ხელმოწერის შეგროვებასაც აპირებთ, როგორც ვიცი.  

_ არსებული რეალობის კონსტიტუციაში ასახვა გვინდა. რაც შეეხება ხელმოწერებს, ეს პირველი ეტაპია. 200 000 ხელმოწერა უკვე პოლიტიკური აქტია, მისი მეორე ეტაპი კი კონსტიტუციაში ნორმის ჩამატება, ანუ ფაქტობრივი სტატუსის ასახვა უნდა იყოს. თუ ეს არ მოხდება, მაშინ უმრავლესობა დაელაპარაკოს ამ 200 000 ადამიანს და თავად არკვიოს მასთან ურთიერთობა. 

_ გაუჭირდება, არა? 

_ იცით, ეკლესია არ წავიდა სიტუაციის გამწვავებაზე, რადგან ქვეყნის ხვალინდელი დღე საერო და სასულიერო პირების დაპირისპირების ზღვარზე აღმოჩნდებოდა, რასაც კარგი არასდროს, არაფერი მოაქვს. საერო პირებს კი ამ სიტუაციაში ნულის ტოლი პასუხისმგებლობა აღმოაჩნდათ. მათთვის გზა მხოლოდ მას მერე გამოჩნდა, რაც ურემი გადაბრუნდა.  

_ ზუსტად ისე, როგორც ,,რვიანის'' შემთხვევაში მოხდა.  

_ ,,რვიანის'' თემას დავუბრუნდები. მოკლედ, სააკაშვილს ასეთი სტანდარტი აქვს _ მოსახვევში გასწრება უყვარს, იმის იმედით, საწინააღმდეგო მხრიდან შემხვედრი მანქანა წამოვა და მეტოქე, შეჯახების შიშით, გზას დამითმობსო. უბრალოდ, ამან 2008 წელს არ გაამართლა, რადგან მიშა ,,ზაპოროჟეცში'' იჯდა, საპირისპირო მხრიდან კი დიდი ,,კამაზით'' პუტინი წამოვიდა, რომელმაც სააკაშვილს ზედ გადაუარა. ახლა ეკლესიამ ეს შეჯახება მას თავიდან აარიდა, თორემ ერთი ,,ჰკა მაგასო'' რომ ეთქვათ, დაპირისპირება გარდაუვალი იქნებოდა. ისე, ეკლესიისგან ეს ადამიანები მეტ სიყვარულს მოითხოვენ, ვიდრე დღევანდელი მრევლი, რადგან მაცხოვარი ამბობდა, უფალს ყველაზე მეტად შეცდომილი ძე უყვარს, რომელი ოჯახს უჯანყდება და სახლიდან გარბისო.  

_ პირველ რიგში, თავადაც ძალიან კარგად იცით, რომ ,,ეკლესია ჰკა'' მაგასო, არასდროს იტყოდა. ,,რვიანის'' თემას კი თვითონ დავუბრუნდები, მით უმეტეს, ,,შეცდომილები'' და ,,ოჯახიდან გაქცეულები'' ახსენეთ. რას გამორბოდით ,,რვიანიდან''? 

_ შეცდომილები ისინი არიან, ვინც ამას ამბობს, იმიტომ რომ ან შეთანხმების ტექსტი არ წაუკითხავთ, რაზეც ხელია მოწერილი ან შეგნებულად ამრუდებენ სიტუაციას. ისე გამოდის, რომ ეს მილიონი მარტო მე უნდა ავიღო. ეს 6 პარტია ღიად ერთს ამბობს, დახურულ რეჟიმში _ მეორეს. არადა, პირად საუბრებში მიიჩნევენ, სისტემის გარდა, რაც წერია, ყველაფერი კარგიაო.  

_ დიახ, მაგრამ სწორედ სისტემაშია საქმე. სადაა ბიომეტრია, რასაც 10 თვე ყველა ერთხმად ითხოვდით?  

_ მთელი პრობლემა ისაა, რომ უცხოელებმა ბოლო მომენტში ტექნიკურ ხარვეზებზე დაიწყეს საუბარი და ამ მოდელის დაფინანსებაზე უარი თქვეს. ამას ზედ უარესი დაერთო _ მრევლის დიდ ნაწილში სრული სკეპტიციზმი. 

_ არ გვინდა ახლა ყველაფრის უცხოელ პარტნიორებსა და იმ ხალხზე გადაბრალება, ვინც სამ ექვსიანს და ,,დანომვრას'' უფრთხის.  

_ არა, ეს დიდი ჯგუფია, ვინც არჩევნებზე საერთოდ უარს იტყოდა. თუმცა მთავარი მაინც უფულობაა, ხელისუფლებამ თქვა, ბიუჯეტში ამის ფული არ არისო და ფული არც საერთაშორისო ორგანიზაციებმა მოგვცეს.  

_ 10 თვე ბიომეტრია რომ აპიარეთ, ეს ყველაფერი წინასწარ ვერ გაარკვიეთ? 

_ გეთანხმებით, მსგავსი კონსულტაციების გავლა ცოტა ადრეც შეიძლებოდა, მაგრამ გადავწყვიტეთ, პაკეტი ჯერ მოგვემზადებინა და მერე შეგვეთავაზებინა.  

_ კარგით, ბიომეტრიის არ იყოს, ,,რვიანში'' თქვენი ყოფნაც თავიდანვე დიდი სკეპტიციზმის საფუძველი იყო. ყოველგვარი შალამბერიძის ინტერვიუს, უჩავებისა და მსგავსი მიზეზების გარეშე, გულწრფელად მიპასუხეთ, ,,რვიანიდან'' წამოსვლის რა მთავარი არგუმენტი გაქვთ? 

 _ მიზეზს გეტყვით, გულწრფელად, ეს მართლა ჩემი მიზანია, რადგან ამაზე აქამდე არ გვისაუბრია. ,,რვიანის'' შეხვედრებისას, ბოლო ერთი თვე, სრულიად ახალი ტენდენცია დაიწყო _ რა ფორმით ვაგრძელებდით ურთიერთობას შედეგის მიღების ან არმიღების შემთხვევაში.  ერთერთი ვარიანტი საარჩევნო ბლოკობა იყო. ვინც ეს თემა წამოიწყო, ჩვენსა და ბლოკობის მსურველებს შორის დიდი კედელი გააჩინა. მერე, ერთ საღამოს ,,ახლები'' მოვიდნენ და თქვეს, ხვალ ხელისუფლებასთან ხელის მოსაწერად მივდივართო.  

_ ამით  ისარგებლა გოჩა ჯოჯუამ, რომელმაც დაგირეკათ და უთხარით, როგორც კი ,,ახლები'' ხელს მოაწერენ, შენც მაშინვე მოაწერეო. ეს ხომ თქვენი პოლიტიკური სვლა იყო, არ ყოფილიყავით პირველები?  

_ ეს ამბავი რომ გავიგეთ, რჩებოდა ალტერნატივა, ან ვყოფილიყავით ,,შვიდიანში'', რაც მომავალში 7 პარტიის ბლოკს ნიშნავდა, ან ჩვენც ხელი მოგვეწერა. თარგამაძე ამერიკაში იყო, მე _ სიმამრის პანაშვიდზე და თბილისიტვიშივაშინგტონს შორის ამ თემაზე მსჯელობა მიდიოდა. გარდა ამისა, რასაც ხელი მოვაწერეთ, არსებულს სჯობდა. თუმცა, ხარს ვითხოვდით და...  

_ თხა მიიღეთ. ესეც თქვენი ცნობილი შედარებაა, რასაც უსუფაშვილმა რამდენჯერმე გაუკეთა კომენტარი. 

_ უსუფაშვილი იყო ადამიანი, ვინც სისტემის გარდა, ამ ხელშეკრულებაში რაცაა ასახული, იმ პუნქტების ერთერთი აქტიური შემოქმედია, ამიტომ მისი სკეპტიციზმი მაკვირვებს.  

_ კითხვას გიკონკრეტებთ _ დაურეკა თუ არა მაკკეინთან ახალშეხვედრილმა თარგამაძემ ჯოჯუას და უთხრა, ხელი პირველმა არ მოაწერო და თუ ალასანია მოაწერს, მაშინ საერთოდ გაჩერდიო. იყო თუ არა გეგმაში, ალასანიას წასვლის შემდეგ ქდმს დარჩენა და ,,შვიდიანში'' ლიდერობის შენარჩუნება, ,,ნამდვილი'' ოპოზიციის შარავანდედთან ერთად? 

_ ეს ინფორმაცია სიმართლეს არ შეესაბამება! ჩვენ ეს საკითხი ღამის 2 საათზე გადავწყვიტეთ, კაციტაძეს კი უკვე საღამოს ჰქონდა გადაწყვეტილება მიღებული.  

_ ,,ახლებს'' ხელი რომ არ მოეწერათ, თქვენ პირველი ან ერთადერთი იქნებოდით?  

_ არა! ივნისში ხელმოწერას არაფერზე არ ვგეგმავდით, რადგან სექტემბეროქტომბერში სრული სურათი გვექნებოდა, კიდევ რას თმობდა ხელისუფლება.  

_ და თქვენ, ერთობის შენარჩუნების ასეთმა მსურველებმა, ,,ახლები'' არათუ შეაჩერეთ, არამედ უბიძგეთ კიდეც ხელმოწერისკენ?! 

_ არა, მე როგორ ვუბიძგე? კაციტაძემ თქვა, ხელს ვაწერო და წავიდა, რატომ და როგორ აწერდა, ამაზე, როგორც ვიცი, გარჩევაც არ ყოფილა და უტრირებას ნუ მოახდენთ. გულწრფელად ვყვები, რაც იყო, გინდ, დაიჯერეთ, გინდ _ არა. შიგნით, 6იანშიც განსხვავებული პოზიციებია ჩვენდამი. ,,კონსერვატორები'' არასწორად მოიქცნენ, როცა ფრაქცია დაგვიშალეს. ეს მათ ღირსებაზე არ მეტყველებს, ,,რესპუბლიკელებმა'' კი სხვა რეგიონებში იგივე არ გააკეთეს. მსგავსი სულმოკლეობა სხვებს არ გამოუჩენიათ. 

_ ,,კონსერვატორები'' არიან სულმოკლეები? 

_ მათი გადაწყვეტილება არასწორი იყო, ეს პრიმიტიული შურისძიება ძიძიგურის სტანდარტებში არ ზის, რამდენადაც მას ვიცნობ. ჩვენთან ფრაქცია დაშალა და ნოღაიდელის პარტიის წარმომადგენელთან გააკეთა, რომელსაც ცუდი დაშორების გამო სხვადახვა ბრუნვაში მოიხსენიებდა. თან ძიძიგურმა სთქვა, ,,რვიანი'' რომ დატოვეს, მათთან ურთიერთობა იმიტომ დავასრულეო.  

_ ალბათ იმიტომ, რომ მათთვის თქვენი წასვლა გაცილებით მძიმე იყო, ვიდრე ,,ახლებისა''. კარგად იცით, საერთაშორისო და საპარლამენტო ასპარეზზე, თქვენი იმედი ჰქონდათ. ასე რატომ ,,უღალატეთ''?  

_ 6იანმა ბლოკზე საუბარი დაიწყო, იმის მიუხედავად, რომ ჩვენს ნეგატიურ დამოკიდებულებას ხედავდა. ერთი სიტყით, ,,ექვსიანმა'' ყველაფერი გააკეთა იმისთვის, რომ ,,რვიანიდან'' წამოვსულიყავით.  

_ ჰოდა, ეს რაში სჭირდებოდათ, თქვენს გამორჩეულ როლს ,,რვიანში'' ხომ ისედაც ყველა აღიარებდა? თან, ისიც ცნობილია, რომ ხელისუფლებას ,,რვიანიდან'' ყველაზე მეტად თქვენი წამოსვლა უნდოდა.  

_ დიახ, ვიცოდით ჩვენი როლი, პროცენტულადაც ისევე არათანაბარ სიტუაციაში ვიყავით ზოგიერთთან, როგორც საერთაშორისო დონეზე. იცით, კიდევ რა, ისიც მომისენია კულუარულად, რომ არა ულტიმატუმის ენა, დოკუმენტს ხელს მოვაწერდითო. ეს ორმა სუბიექტმა ჩემთან პირად საუბარშიც გაიმეორა.  

_ ეს ორი ვინაა, ალასანია და უსუფაშვილი? 

_ არ ვადასტურებ და არ მინდა თემის აფიშირება. ახლა პირველად ვამბობ _ ,,თავისუფალ დემოკრატებთან'' შეთანხმება გვქონდა, არა ,,რვიანს'' შიგნით, არამედ ,,რვიანს'' მიღმა, თუ რომელიმე ჩვენთაგანთან ,,სეპარატული'' მოლაპარაკებები დაიწყებოდა, ჩვენ ორი ერთმანეთს ვატყობინებდით. ირაკლი ჩიქოვანთან, ალასანიას პარტიიდან, სავარაუდო სქემებიც შეთანხმებული გვქონდა, რაც მერე ხელისუფლებისთვის უნდა შეგვეთავაზებინა.  

_ რადგან ამაზე საუბარი დაიწყეთ, მაშინ თქვით, რა იყო ეს სქემები. 

_ ჩვენ ვფიქრობდით, რომ ერთერთი კომპრომისული ვარიანტი 200კაციანი პარლამენტი უნდა ყოფილიყო _ 11783ზე.  

_ გასაგებია, ეს ძველი თემაა, რომელზეც ყველაზე მეტი ხელისუფლებამ ისაუბრა. ხოლო ახალი რეალობაა ისაა, რომ ამერიკული კონგრესმენები ოპოზიციად ახლა ,,ექვსიანს'' მოიაზრებენ. ბათუმში შეხვედრაზე, მიუხედავად საპარლამენტო ფორმატისა, თქვენ, ვიცესპიკერსაც კი არ შეგხვდნენ დემონსტრაციულად, 6იანის სამ ლიდერს კი შეხვდნენ.  

_ ვინ მოგაწოდათ ეს ინფორმაცია? ეს სიცრუა! ამ შეხვედრაზე მიწვეული იყო თარგამაძე, რომელიც გერმანიაში იყო, მის ნაცვლად ლალიაშვილი უნდა წასულიყო, ის კი ჩემი სიმამრის დაკრძალვაზე იყო და ამგვარად აღმოჩნდა პარტიის მთელი ლიდერშიპი იქ. ასე რომ, ძალიან გთხოვთ, ამას ნუ გაიმეორებთ, ეს სრული სისულელეა!  

_ ვიზიარებ თქვენს მწუხარებას, მაგრამ უმეტესად სიმამრის გასვენებაში ყოფნას რატომ იშველიებთ, როცა რაიმე გარდამტეხ შეხვედრაზე ვსაუბრობთ?

 _ რა ვქნა ახლა? ამ სისულელეებს ბევრი ვიღაც მოგიყვებათ, მთავარია, თვითონ არ დაიჯერონ, რასაც ამბობენ. ბათუმში ფიზიკურად ვერ წავედი. 6იანმა კი გადაწყვიტა, სიტუაციით ისარგებლაო. ეს ტიპური მარკეტინგია, რათა ოპოზიციის ბაზარზე ექსკლუზივი აიღონ, მაგრამ, გარწმუნებთ, ძალიან გაუჭირდებათ. ჩემი მთავარი მიზანი ნათელაშვილიოქრუაშვილისთვის ელექტორატის წართმევა კი არაა. ძალიან ცოტაა ეს ნაწილი და რისთვის ვიბრძოლო? მათი ხმების 10%ი რაცაა, ის ქდმსთვის ნახევარი პროცენტია.  

_ უკვე შეურაცხყოფას აყენებთ. 

_ არა, პირობითად ვამბობ. არავითარი სურვილი არ მაქვს, 15 წელი ოპოზიციაში იმისთვის ვიბრძოლო, რომ ოპოზიციაშივე პირველი გავხდე. ამას პირდაპირ ვამბობ. ახლა ხელისუფლების მხარეს გაცილებით დიდი ლუკმაა, ამიტომ ვერ წავა 6იანის ამბიცია იმაზე შორს, ვიდრე 5%ის გადალახვა და რამდენიმე ადგილის მოპოვებაა. ,,ახლების'' მიზანი კი აბსოლუტურად გასაგებია. ელექტორატი რომ დავყოთ, არჩევნებზე მომსვლელი 50%ია, აქედან 25%ი სააკაშვილს აქვს გარანტირებული. ოპოზიციას რჩება 2025 %ი _ ნახევარი ზომიერი ოპოზიციისა, ნახევარი _ რადიკალურის. ,,ახლები'' გათვლას, ცხადია, ზომიერ ნაწილზე აკეთებენ, სადაც კონკურენტები მარტო ჩვენ ვართ, ყველა დანარჩენი კი ავტომატურად რადიკალია, გადახედეთ, იქ ლამის ოცი 22%იანი პარტიაა, პირობითად.  

_ რა საინტერესოა, ირგვლივ ყველა პირობითად გამოლანძღეთ. თქვენსა და ,,ახლებზე'' ამბობენ, საარჩევნო ბლოკს შეკრავენო. შეგიძლიათ, ეს ახლავე უარყოთ ან დაადასტუროთ?  

_ რა იქნება 2012 წლის გაზაფხულზე, როცა ყველაფერი უკეთ დაილექება, არ ვიცი, ვანგა ხომ არ ვარ?! პარტიაში ჯერ ამაზე არ გვისაუბრია. პირადად მე, კატეგორიულად უარვყოფ ვინმესთან გაბლოკებას.  

_ ე.ი. ახლა თქვენი მთავარი საფრთხე ისაა, ახლებმა ,,მეფის კარზე'' არ ჩაგანაცვლონ? პირობითად, რა თქმა უნდა. 

 _ ეს იმას ნიშნავს, რომ ახლა ,,მეფის კარზე'' ვარ? ამ ტიპის მეტაფორულ შედარებას ვერ მივიღებ.  

_ საზოგადოებამ თუ მიიღო თხა და ძროხა, თქვენც მოგიწევთ. 

 _ ეს სხვადასხვა რამაა. თუკი ტიპურ კონკურენციაზეა საუბარი, მაშინ ,,ახლები'' ჩვენთან არათანაბარ მდგომარეობაში არიან, თუნდაც იმიტომ, რომ ჩვენ ვართ პარლამენტში, ისინი კი _ არა. ისევე, როგორც 6იანს გაუჭირდება ჩვენთან კონკურენცია. მეტსაც გეტყვით, თუ მათი ძირითადი გეგმა, ჩვენთან ბრძოლაა, არაფერი გამოვა.  

_ რატომ, რეგიონებში გავდივართო, ოქტომბერში აქციები გვექნებაო, აქვთ კამპანია ,,გვახსოვს'' და ა.შ. 

_ თუ მათი კამპანია საარჩევნო კოდექსზე დაფუძნდება, მაშინ 5%ს ვერ გადალახავენ.     

იხილეთ დედანი