”პირველი” 

პოლიტიკური კოალიცია "თავისუფალი არჩევანი" ხვალ სასტუმრო "რედისონში" თემაზე "არჩევნები და თანამედროვე ტექნოლოგიები" პრეზენტაციას გამართავს.

პრეზენტაციაზე კომპანია "Smartmatic"-ის ვიცე-პრეზიდენტი ფრანსუა დოფენია მიწვეული, რომელიც წინასაარჩევნო ბიომეტრიულ რეგისტრაციაზე, სხვადასხვა ქვეყნების გამოცდილებასა და საქართველოში ამ ტექნოლოგიების დანერგვის პერსპექტივაზე ისაუბრებს.

შეხვედრას როგორც პოლიტიკური პარტიების, ასევე საერთაშორისო და ადგილობრივი არასამთავრობო ორგანიზაციებისა და საქართველოში აკრედიტებული დიპკორპუსის წარმომადგენლები დაესწრებიან.