”ინტერპრესნიუსი”
"ქრისტიან-დემოკრატ" ლევან ვეფხვაძეს საპარლამენტო არჩევნებისთვის მის თანაბლოკელებზე საუბარი ნაადრევად მიაჩნია.
გავრცელებული ინფორმაციით, საარჩევნო გარემოს გაუმჯობესებაზე ხელმომწერი პოლიტიკური ძალები შესაძლოა მომავალში საარჩევნო ბლოკადაც გაერთიანდნენ.
როგორც ვეფხვაძემ ჟურნალისტებთან საუბრისას განაცხადა, თუ სხვა და კონკრეტულად ამ პარტიებს "ქრისტიან დემოკრატებთან" დაბლოკების სურვილი აქვთ, მისთვის უცნობია.
ზოგადად კი, ლევან ვეფხვაძეს ბლოკებზე საუბარი 2012 წლამდე, არასერიოზულად მიაჩნია.
მისი თქმით, 2012 წლის გაზაფხული იქნება პოლიტიკური სეზონი, როდესაც გამოიკვეთება თუ "ვის სურს ბლოკთან ერთად სიარული და ვის დამოუკიდებლად".
ჯერჯერობით კი, ლევან ვეფხვაძეს მიაჩნია, რომ მისმა პოლიტიკურმა ძალამ პოლიტიკური ბრძოლა, მარტომ და დამოუკიდებელმა უნდა განაგრძოს.
