30.09.2011
"ტრადიციონალისტთა კავშირის" ლიდერი და ბლოკ "ეროვნულ ფორუმის" წევრი აკაკი ასათიანი "ექვსიანში" სხვა პოლიტიკური პარტიების შესვლის მომხრეა.
როგორც ასათიანმა დღეს გაზეთ "პრაიმ-თაიმის" პრეს-კლუბში სტუმრობისას განაცხადა, "ის პარტიები, რომლებიც საარჩევნო გარემოს გაუმჯობესებისათვის ბრძოლას გადაწყვეტენ, ამ პროცესის მონაწილეები უნდა გახდნენ".
მისივე თქმით, "ექვსიანის" გაფართოების იდეას "ექვსიანში" შემავალი პარტიების ნაწილი არ იზიარებს, თუმცა ამ საკითხზე კონსულტაციები მიმდინარეობს".
"რევოლუციის მომხრე პარტიებისგან ამ საკითხთან დაკავშირებით პოზიციის დაფიქსირებას ველოდები. ამ პარტიებში, რა თქმა უნდა, "სახალხო კრება" იგულისხმება. თუ ვინმე სამართლიანი არჩევნებისთვის ბრძოლის სურვილს გამოთქვამს, მიმაჩნია, რომ ეს საკითხი "ექვსიანში" უნდა იქნას განხილული და სურვილის მქონე პარტიები "ექვსიანის" რიგებში უნდა იქნას მიღებული", - განაცხადა ასათიანმა.
იხილეთ დედანი
