გაზეთი "ვერსია"
ავტორი ნინო კომახიძე
30.09.2011
კახა სეთურიძე: ,,სასაცილოა, ,,ექვსიანის’‘ სურვილი, პარლამენტში უმრავლესობითმოვიდეს, როცა ივლისის მერე წინ ერთი ნაბიჯი არ გადაგვიდგამს!’‘
ავტორი ნინო კომახიძე
30.09.2011
კახა სეთურიძე: ,,სასაცილოა, ,,ექვსიანის’‘ სურვილი, პარლამენტში უმრავლესობითმოვიდეს, როცა ივლისის მერე წინ ერთი ნაბიჯი არ გადაგვიდგამს!’‘
სალომე ზურაბიშვილის პარტიის ლიდერი ხელისუფლების 200-ათასიან შემოთავაზებაზეალაპარაკდა
სალომე ზურაბიშვილის პარტიაში ინჟინერი კახაბერ სეთურიძე პოლიტიკაშიპირდაპირ აქციებიდან 2007 წლის 7 ნოემბრის დარბევის შემდეგ მოვიდა. ,,საქართველოს გზაში’‘ მისვლას კი იმით ხსნის, რომ სალომე ზურაბიშვილი მაშინყველაზე ნაკლებ გაუგებრობაში იყო გახვეული. ახალი პოლიტიკური სახე, ჯერზურაბიშვილის სახელის, შემდეგ რვიან-ექვსიანის ჩრდილქვეშ მოექცა და დიდად არც მედია ანებივრებს.სამაგიეროდ, საქართველოს გზის ლიდერი, კახაბერ სეთურიძე ,,ვერსიასთან’‘ ღიად საუბრობს ,,ექვსიანის’‘ დაშლისპერიპეტიებზე, აღიარებს, შედეგად მიღებულ უმოქმედო თვეებს, შეუთანხმებლობით დაზარალებულ მთავარმიზანს და დიპლომატიურად, თუმცა აშკარად, ხელისუფლებასთან ხელმომწერ ოპოზიციას ,,ფულის გათეთრების’‘კიდევ ერთ მექანიზმში ამხელს:
,,ქართველთა მარშზე’‘ ქუჩაში 2000 კაცზე მეტი რომ არ გამოვიდა, იმას ნიშნავს, რომ საზოგადოება ჩვენგან უფრო მეტს ელის.თამასა ისეთ სიმაღლეზე ავწიეთ, საიდანაც ქვემოთ ჩამოსვლა არ შეიძლება. ვთქვით, რომ იქმნება კოალიცია, რომელიც მზადააიბრძოლოს საარჩევნო და საარსებო გარემოსთვის, უნდა ჩაგვერთო მილიონი ამომრჩეველი, გვევლო კარდაკარ და ა.შ. ხალხიელის, დღეს თუ ხვალ, რაიმეს დაიწყებენო. მე კი ვფიქრობ, უკვე ძალიან დაგვაგვიანდა, მით უმეტეს, ,,ნაციონალების’‘გახურებული საარჩევნო კამპანიის ფონზე. ის საქმე, რასაც ახლა ვაკეთებთ, სტრუქტურების ჩამოყალიბება თუ ურთიერთობებისგარკვევა, ზაფხულში უნდა გვეკეთებინა.
_ ამის ნაცვლად კი, თურმე, კვოტებზე დავობდით. თუმცა, ყველაზე ნაკლები პრეტენზია თქვენთან აქვთ, ერთიგარანტირებული ადგილი აქვს სიაში და არც ხმას იღებს, არც ხელს გვიშლისო. ამდენ ხანს, მართლა, რას აკეთებდით?
_ საერთოდ, ჩვენ რაც უნდა ჩავწეროთ იმ სიებში, ეგ არაფერს ნიშნავს. საბოლოოდ, მაინც ხალხი წყვეტს, ვინ უნდა მოხვდესპარლამენტში და ვინ _ არა. ეს ჩემთვის მეათეხარისხოვანია, სხვაზე თავს ნამდვილად ვერ დავდებ. თან, ეს პრობლემა პირველნომრად არავის დაუსახელებია.
_ აბა, რა არის ნომერ პირველი პრობლემა ,,ექვსიანში’‘, გარდა იმისა, რომ დრო თქვენს წინააღმდეგ მუშაობს?
_ ვერ ვიტყვი, რომ რომელიმე პარტია განსაკუთრებით მონდომებულია, ან რამეშია დამნაშავე. რეალობაზე პასუხს ყველათანაბრად აგებს. ზოგიერთი, მაგალითად ფორუმი, ფიქრობს, რომ საჭიროა გაფართოება, სხვა სუბიექტების შემოყვანა დაერთიანი ძალებით ბრძოლა.
_ რა გაფართოებაზე საუბრობთ, როცა ბოლო ორი თვეა, თუ ვინმე გახსენებთ, მხოლოდ იმ კონტექსტში, დარჩნენ თუდაიშალნენო. ახლაც ამას გეკითხებით, დარჩით თუ დაიშალეთ?
_ აი, ეს ის შემთხვევაა, როცა დიპლომატიურად უნდა გიპასუხოთ. საბოლოო პასუხს, სადღაც ერთ კვირაში გაიგებთ. ყოველშემთხვევაში, ამ ეტაპზე, ,,დარჩენილები’‘ ვართ, ახლა ისაა გასარკვევი, რამდენად სიცოცხლისუნარიანი იქნება ,,ექვსიანი’‘. თუჩემი პარტია ჩათვლის, რომ მიმდინარე პროცესი მისაღებია, მაშინ, რა თქმა უნდა, ვრჩები ,,ექვსიანში’‘ და ბრძოლას ვაგრძელებ.თუ არადა, ნებისმიერ შემთხვევაში, დავრჩები ერთგული იმ პირობისა, კალათბურთის დარბაზში რომ დავდეთ.
_ ისე საუბრობთ, მგონი, მაგ გაურკვეველი ერთობიდან წამოსვლას აპირებთ.
_ საერთოდ, ჩვენი პარტია სულ გაერთიანებაზე იყო ორიენტირებული და ეს დღესაც აქტუალური თემაა ჩვენთვის.აბსოლუტურად ნათელია, რომ დამოუკიდებლად ვერც ერთი პარტია ვერაფერს მიაღწევს.
_ განსაკუთრებით, თქვენ.
_ ამას ხაზს, ალბათ, იმიტომ უსვამთ, რომ ზურაბიშვილი აქ არაა და თქვენს წინაშე ახალი სახეა. პროცენტები და რეიტინგებიუმადური საქმეა. უცბად, შეიძლება აგწიონ და მერე ვარდნა უფრო მტკივნეული ხდება.
_ ანუ, მოდიხართ 6-იანიდან და რასაც დაგვპირდით, იმას დამოუკიდებლად აკეთებთ?
_ ვისურვებდი, დანაპირები ერთად შეგვესრულებინა. ამ საქმის მარტო დაწყების პასუხისმგებლობას თავის თავზე ნურავინაიღებს. ეს წინასწარ კრახისთვისაა განწირული, მაგრამ რაღაც აზრი ამ ერთობასაც ხომ უნდა ჰქონდეს?! ბოლო-ბოლო, თუ ვერშევთანხმდებით, ჯვარი არავისზე გვაქვს დაწერილი. დამოუკიდებლად იმაზე 5-ჯერ ნაკლებს შევძლებთ, ვიდრე ,,ექვსიანში’‘,მაგრამ ჩვენზე ვერავინ იტყვის, ცდა დააკლესო. დღეს საკითხი ასე დგას, თუმცა საუბრები დაბლოკებაზეც ყოფილა. იმასაცვითვალისწინებდით, რომ, შესაძლოა, კიდევ ვიღაც შემოგვმატებოდა. არავის აქვს უფლება, ვინმეს პროცესში ჩართვა აუკრძალოს.
_ დაბლოკება ახლა თქვენი უკანასკნელი მაშველი რგოლია?
_ მაშველი რგოლია არა იმიტომ, 10-15 კაცი მოხვდეს პარლამენტში, არამედ იმიტომ, რომ მოვიდეთ უმრავლესობაში.
_ მომიტევეთ, ეს განსაკუთრებით სასაცილოდ ჟღერდა!
_ სასაცილოდ ჟღერს იმიტომ, რომ არაფერს ვაკეთებთ! როგორ არ უნდა ჟღერდეს, როცა ივლისის მერე, წინ ერთი ნაბიჯი არგადაგვიდგამს. ყველა მოქმედება ახლა იმისკენაა მიმართული, ისეთი ბირთვი შეიქმნას, რომელსაც გარე და შიდა პროცესებივერაფერს დააკლებს.
_ მაშინ ცოტა სწრაფად ჩამოყალიბდით: ოქტომბერ-ნოემბერში ზეაქტიურები უნდა იყოთ, თუ მართლა გსურთცვლილებები, რადგან კოდექსზე მსჯელობა პარლამენტში ნოემბრის ბოლოს დასრულდება.
_ დაახლოებით, ერთ კვირაში ჩამოვყალიბდებით, ერთად ვართ თუ დამოუკიდებლად, და რას და როგორ ვაპირებთ. ახლაინტენსიური შეხვედრები გვაქვს. ჩვენ ერთობის მომხრე ვართ, ოღონდ გარკვეული შეთანხმებით. არის სხვა პოზიციებიც. ერთობაყველას უნდა, რადგან ხვდებიან, რომ მარტო გაუჭირდებათ, მაგრამ ამ ერთობის ფორმაზე ვერ ვთანხმდებით. ფაქტია, ,,ექვსიანი’‘არ არის თვითკმარი. არც ისე უნდა ხდებოდეს, რომ ვიღაც სადღაც გარბის, მერე ტელევიზიით გვეძახის და ა.შ. რადგანშეთანხმება არ შემდგარა, ე.ი. ჯერ ფორუმს არც თამაშის წესები დაურღვევია. ჩვენ მოვლენებს წინ გავუსწარით, ჯერ კოალიციაშევქმენით და მერე დავიწყეთ ძირითად საკითხებზე საუბარი. ეს ჩვენი ფორსმაჟორი იყო. ვიცი, ეს სიტუაცია ძალიან მოსაწყენი,ალბათ _ აღმაშფოთებელიცაა. ქვეყანაში სრული შტილია. თან, ჩვენ ამ დროს ცხელ შემოდგომას ვაანონსებთ და რეალურად,არაფერს ვაკეთებთ. ასე უსაშველოდ ვერ გაგრძელდება, ეს პირადად ჩემი პარტიის ინტერესია, რადგან ტალახი ყველას ხვდება,მათ შორის, მეც. არც გეომეტრიული პროგრესიით შემცირებაა კარგი. ჯერ რვიდან ექვსნი დავრჩით, ახლა 6-დან 4 რომაღმოვჩნდეთ და ა.შ. ეს ხარისხსა და ნდობაზეც ცუდად იმოქმედებს. თუ ვერ შევთანხმდით, ,,ექვსიანიდან’‘ ერთიანი დარჩება,ჩემი აზრი ესაა და სხვისი _ არ ვიცი. პოლიტიკური იმიჯისთვის, ვფიქრობ, ყველა პარტიის გადმოსახედიდან ასე სჯობს. იმედია,ჩვენი შიდაგაუგებრობები საერთო წარმატებას პრობლემას არ შეუქმნის. თუმცა, ჩვენდა სამწუხაროდ, ხალხი, ვისაც დიდ პატივსვცემთ, ბარიკადის მეორე მხარეს აღმოჩნდა, ,,მემარჯვენეებს’‘ ვგულისხმობ.
_ ქრისტიან-დემოკრატებს პატივსაც აღარ სცემთ? სხვათა შორის, სანამ თქვენ ერთმანეთში ერკვევით, სიებისმონიტორინგის ჯგუფი სწორედ ვეფხვაძის ინიციატივით იკრიბება, რომელშიც მხოლოდ ხელისუფლება დახელმომწერი პარტიები შევლენ. ასეთი სიები თქვენთვის სანდო იქნება?
_ მათთან ისეთი ურთიერთობა არ მქონია, როგორც გამყრელიძესთან. აქ ის არაა მთავარი, რომ სიების გადამოწმებაში არვმონაწილეობთ და ვერც ამისთვის გამოყოფილ თანხებს მივიღებთ. ე.წ. კარდაკარს, როცა ჯერ კიდევ არ გახლდით პარტიისთავმჯდომარე, უშუალოდ, ვხელმძღვანელობდი და კარგად მახსოვს ის პერიპეტიები, რაც გავიარეთ.
_ მეც კარგად მახსოვს მაშინდელი განწყობა, ოპოზიცია 100 000-ად გაიყიდაო.
_ არსებობს მონაცემები, სადაც ჩანს, რომ გამოყოფილი 100 000 ლარი ჩვენს მიერ გამჭვირვალედ დაიხარჯა. მართლა ვიმუშავეთ,თანხის 90% კი ხელფასებში წავიდა. მაგრამ ამ მუშაობას რა შედეგი მოჰყვა? აღმოვაჩინეთ არარსებული ქუჩები და ა.შ. ამის მერემიდის აზრთა გაცვლა-გამოცვლა, არავინ არაფერს ითვალისწინებს, სიები იგივეა და ცესკო რაღაც აბსურდულ პასუხებს გვცემს.
_ ანუ, სიების მონიტორინგის ჯგუფით ხელისუფლება პარტიებს ისევ ყიდულობს და თან ფულს ,,ათეთრებს’‘?
_ ის ფულს ხარჯავს და ეს უღირს კიდეც! ზოგმა პარტიამ, შესაძლოა, ეს ფული ჯიბეში ჩაიდოს, ან პარტიის განვითარებასმოახმაროს, ვთქვათ, კომპიუტერი შეიძინოს და ა.შ. ამ მონიტორინგის შედეგიც ნაკლები იქნება, რადგან პროცესში ნაკლებიპარტიებია ჩართული. სამაგიეროდ, როგორც ვიცი, თანხა გაცილებით მეტია _ იგი გაორმაგებულია! ყოველ შემთხვევაში, ნაციონალურმა მოძრაობამ შემოგვთავაზა, დროისა და თანხის გაზრდა და მაშინ საუბარი 200 000-ზე იყო. ეს საკმაოდ დიდიფულია იმისათვის, რომ წინასაარჩევნო კამპანია დააფინანსო. არავის არაფერს ვაბრალებ, უბრალოდ, ამაში ერთხელ უკვე ვიყავიჩათრეული და არანაირი სურვილი არ მაქვს, იგივე გავიმეორო. სააკაშვილმა ისიც თქვა, მეტი ოპოზიციონერი მოხვდებაპარლამენტშიო, ეს უკვე, თავისთავად, რაღაც გარიგების ფორმაა, ამიტომაც იზრდება დეპუტატების რიცხვი პარლამეტში.
_ ცვლილებები _ ნული, სიების სანდოობა _ ნული. სხვებს რომ თავი დავანებოთ, კარგად იცით ეს ყველაფერი დაარჩევნებზე მაინც მიდიხართ?
_ ხალხს დავპირდით, ან დავათმობინებთ რეალურ ცვლილებებს, ან ისეთ პირობებს შევქმნით, სააკაშვილს გაყალბებულიარჩევნები არ შეერგოსო. სწორედ ისაა რევოლუციური არჩევნები, ხალხი საარჩევნო უბნებთან დადგეს და თავისი ხმა დაიცვას.არსებული რეალობიდან გამომდინარე, ეგეც რთული გასაკეთებელია. თვითკრიტიკა თავდაცვის ბოლო ფორმაა, მაგრამ თავს არვიცავ, ესაა რეალობა!
_ სალომე ზურაბიშვილი რას ფიქრობს ამ რეალობაზე? ბედის ირონია იყო, ქაჯები მიდიანო რომ თქვა და... წავიდა.
_ ქაჯები არსად წასულან, ისევ აქ არიან და გზაზე გვეღობებიან. მასთან სისტემატური კავშირი არ მაქვს, მაგრამ მიმდინარემოვლენების საქმის კურსშია. ყოველ შემთხვევაში, აქამდე იმედი ჰქონდა, რომ ,,ექვსიანს’‘ გარკვეული ძვრების მოხდენა შეეძლო.ის ჩვენი პარტიის საპატიო ლიდერია და ჩათვალეთ, პარტიის პოზიცია მისი პოზიციაცაა.
_ და თქვენ რატომ არ ხართ პოლიტიკურად უფრო აქტიური, ან რის იმედით მიდიხართ არჩევნებში?
_ ჯერ ერთი, ძალიან რთულია, სალომეს მერე ჩაიბარო ესტაფეტა, თან პარტიაშიც რაღაც ცვლილებები იყო, ,,ექვსიანი’‘ კი,თავისთავად, მისი კონიუნქტურის ქვეშ გაქცევს. მარტო ყოფნა, თუნდაც იმითაა უფრო კომფორტული, რომ მეტად გამოჩნდები,მაგრამ არ მინდა, ამის გამო ხელი რამეს შეეშალოს. ჯანდაბას, ჩრდილში ვიყო, ოღონდ საერთო საქმე გამოვიდეს. თუ ,,ექვსიანი’‘ვერ შეთანხმდა, მარტო ვიქნები. ბევრი ისეთი პარტია ვიცი, ვინც თავისი სცადა, არ გამოუვიდა და ამით ქვეყანა არ დაქცეულა.არჩევნებამდე ჯერ დიდი დროა, შევხედოთ, შესაძლოა, ისეთი პარტნიორი გამოჩნდეს, ვისთანაც დაბლოკება შეიძლება.