"ინტერპრესნიუსი"
30.09.2011
პარტია "თავისუფალი დემოკრატების" წევრის, დეპუტატ გიორგი ცაგარეიშვილის აზრით, ამომრჩეველთა სიები არა "მრავალჯერ ნაცადი" მეთოდებით, არამედ ბიომეტრიული მონაცემებით უნდა შედგეს.
როგორც პარლამენტის პლენარულ სხდომაზე ცაგარეიშვილმა ამომრჩეველთა სიების გადამოწმების მიზნით კომისიის შექმნის საკითხის განხილვისას განაცხადა, სამწუხაროა, რომ კანონპროექტს ხელს მხოლოდ სამი ოპოზიციური პარტია აწერს, ნაცვლად რვისა.
"ეს თქვენი არჩევანია, თქვენ საერთო ვერ ნახეთ დანარჩენ ექვს პარტიასთან და საერთო ნახეთ "ნაციონალურ მოძრაობასთან", რომელთანაც იზიარებთ პასუხისმგებლობას არჩევნების ნორმალურად ჩატარებაზე", – მიმართა ცაგარეიშვილმა ოპოზიციონერ კოლეგებს.
დეპუტატს აინტერესებს, საბოლოოდ რამდენი პარტია მოაწერს ხელს "ნაციონალური მოძრაობის" ყაიდაზე შექმნილ დოკუმენტს" და რამდენი არასამთავრობო ორგანიზაცია გაიზიარებს მათთან და "ნაციონალურ მოძრაობასთან" ერთად პასუხისმგებლობას სიების გადამოწმებაზე.
ცაგარეიშვილმა დასძინა, რომ ამომრჩეველთა სიები ბიომეტრიული მონაცემების საფუძველზე უნდა შედგეს და არა მრავალჯერ ნაცადი მეთოდებით, რაშიც პარტიებმა ადრე 100-100 ათასი ლარი აიღეს და "კაცმა არ იცის რაში დახარჯეს".
იხილეთ დედანი
30.09.2011
პარტია "თავისუფალი დემოკრატების" წევრის, დეპუტატ გიორგი ცაგარეიშვილის აზრით, ამომრჩეველთა სიები არა "მრავალჯერ ნაცადი" მეთოდებით, არამედ ბიომეტრიული მონაცემებით უნდა შედგეს.
როგორც პარლამენტის პლენარულ სხდომაზე ცაგარეიშვილმა ამომრჩეველთა სიების გადამოწმების მიზნით კომისიის შექმნის საკითხის განხილვისას განაცხადა, სამწუხაროა, რომ კანონპროექტს ხელს მხოლოდ სამი ოპოზიციური პარტია აწერს, ნაცვლად რვისა.
"ეს თქვენი არჩევანია, თქვენ საერთო ვერ ნახეთ დანარჩენ ექვს პარტიასთან და საერთო ნახეთ "ნაციონალურ მოძრაობასთან", რომელთანაც იზიარებთ პასუხისმგებლობას არჩევნების ნორმალურად ჩატარებაზე", – მიმართა ცაგარეიშვილმა ოპოზიციონერ კოლეგებს.
დეპუტატს აინტერესებს, საბოლოოდ რამდენი პარტია მოაწერს ხელს "ნაციონალური მოძრაობის" ყაიდაზე შექმნილ დოკუმენტს" და რამდენი არასამთავრობო ორგანიზაცია გაიზიარებს მათთან და "ნაციონალურ მოძრაობასთან" ერთად პასუხისმგებლობას სიების გადამოწმებაზე.
ცაგარეიშვილმა დასძინა, რომ ამომრჩეველთა სიები ბიომეტრიული მონაცემების საფუძველზე უნდა შედგეს და არა მრავალჯერ ნაცადი მეთოდებით, რაშიც პარტიებმა ადრე 100-100 ათასი ლარი აიღეს და "კაცმა არ იცის რაში დახარჯეს".
იხილეთ დედანი