1.10.2011
პარლამენტის თავმჯდომარე დავით ბაქრაძე საპარლამენტო უმრავლესობის წევრებთან ერთად, თელავში, თეატრის შენობაში „ნაციონალური მოძრაობის“ აქტივისტებს შეხვდა. შეხვედრაზე მხოლოდ ის ადამიანები შეუშვეს, რომლებიც წინასწარ შედგენილ სიაში იყვნენ შეყვანილები.
შეხვედრაზე ძირითადად საბიუჯეტო ორგანიზაციების, სკოლებისა და საბავშვო ბაღების თანამშრომლები იმყოფებიან. შეხვედრას ესწრება კახეთის გუბერნატორის პირველი მოადგილე გიორგი სიბაშვილიც.
საჯარო მოხელეების განცხადებით, დღეს არასამუშაო დღეა და შეხვედრაზე მისვლით მათ საარჩევნო კოდექსი არ დაურღვევიათ.
ბაქრაძემ მხარდამჭერებს მოუწოდა, არჩევანი ნაციონალურ მოძრაობაზე გააკეთონ, რადგან მათ ხელისუფლებაში ყოფნის დროს ბევრი გააკეთეს და კიდევ ბევრი აქვთ გასაკეთებელი.
შუალედური საპარლამენტო არჩევნები თელავში ხვალ უნდა გაიმართოს.
