1.10.2011
თელავის შუალედურ არჩევნებამდე ერთი დღით ადრე, "ქრისტიან-დემოკრატებმა" ქალაქის ცენტრში დრაფტ-შოუ გამართეს.
როგორც ”ინტერპრესნიუსს” ქდმ-დან აცნობეს, სანახაობაში ადგილობრივი ავტომრბოლელები მონაწილეობდნენ. შოუ ინგა გრიგოლიას მიყავდა, ჟიურის შემადგენლობაში კი გიორგი ახვლედიანი, ლევან ვეფხვაძე და მაჟორიტარობის კანდიდატი ნიკო ლაშხი იყვნენ.
"როგორც მითხრეს, ასეთი ღონისძიება თელავში პირველად იმართება და აქედან გამომდინარე, სულაც არ გვიკვირს ის დიდი ინტერესი, რაც თელაველებმა გამოიჩინეს. მინდა დავპირდე ადგილობრივ მცხოვრებლებს, რომ ჩვენი წინასაარჩევნო აქტივობა პერიოდულად მომავალშიც გაგრძელდება და თელავს სიურპრიზებით კვლავაც გავანებივრებთ", - განაცხადა ინგა გრიგოლიამ.
იხილეთ დედანი
