27.11.2011
დეპუტატების რაოდენობასთან დაკავშირებულ საკონსტიტუციო ცვლილებაზე ხვალ, პარლამენტში არასამთავრობო ორგანიზაციებთან დისკუსია გაიმართება.
საქართველოს კონსტიტუციაში შესატანი ცვლილების შესახებ საზოგადოების ინფორმირების მიზნით, საჯარო კონსულტაციების პროცესს, ეროვნულ დემოკრატიული ინტიტუტის (NDI) არასამთავრობო ორგანიზაციებთან ურთიერთობის ბიურო და სამართლიანი არჩევნებისა და დემოკრატიის საერთაშორისო საზოგადოება (ISFED) იწყებს.
აღნიშნული ორგანიზაციების ინიციტივით, პირველი ასეთი შეხვედრა პარლამენტში ხვალ, არასამთავრობო სექტორთან გაიმართება. შეხვედრაზე იურიდიულ საკითხთა საპარლამენტო კომიტეტის თავმჯდომარე პავლე კუბლაშვილი არასამთავრობოებს საკონსტიტუციო ცვლილების პროექტს წარუდგენს და ცვლილების შემუშავების პოლიტიკურ პროცესს გააცნობს. შეხვედრას ოპოზიცონერი დეპუტატებიც დაესწრებიან.
საკონსტიტუციო ცვლილების პროექტის თანახმად, 2012 წლის საპარლამენტო არჩევნების შემდეგ პარლამენტის წევრთა რაოდენობა 150-დან 190–მდე იზრდება.
