16.12.2011
საკანონმდებლო ინიციატივა, რომელიც პოლიტიკური პარტიების დაფინანსებასთან დაკავშირებულ საკითხებს ეხება, პარლამენტში უკვე ინიცირებულია.
პავლე კუბლაშვილის, ჩიორა თაქთაქიშვილის და აკაკი მინაშვილის ავტორობით მომზადებული ცვლილებების პროექტი პარტიების ქონებასთან, ფინანსებთან, შემოწირულობებთან და ფინანსური საქმიანობის მონიტორინგთან დაკავშირებულ საკითხებს ახლებურად არეგულირებს.
უმრავლესობა "მოქალაქეთა პოლიტიკური გაერთიანებების შესახებ" კანონში შესატანი ცვლილებების პროექტის დაჩქარებული წესით – რიგგარეშე სხდომების ფორმატში განხილვას ითხოვს, საპარლამენტო ოპოზიცია კი მიიჩნევს, რომ ინიცირებული საკითხები ფართო განხილვის საგანი უნდა გახდეს.
