21.12.2011
"ახალი მემარჯვენეების" ლიდერის დავით გამყრელიძის აზრით, "დღევანდელი ხელისუფლება ოპოზიციასთან სერიოზულ დათმობებზე პირველად წავიდა".
ამის შესახებ გამყრელიძემ გაზეთ "პრაიმ თაიმის" პრეს-კლუბში ჟურნალისტებთან შეხვედრისას განაცხადა.
"პირველად მოხდა, რომ ხელისუფლებამ ოპოზიციისკენ სერიოზული ნაბიჯები გადადგა და ძალიან სერიოზულ დათმობებზე წავიდა. ეს ვინმეს მოსწონს თუ არა და აღიარებს თუ არა, შემდგარი ფაქტია. იმედი მაქვს, რომ არჩევნებამდე არაფერი გადაიხედება და ამ თვალსაზრისით არაფერი გაუარესდება. იმედი მაქვს, რომ 2012 წლის ოქტომბერში, როცა არჩევნები ჩატარდება, საზოგადოებას ძალიან კარგი, მრავალფეროვანი არჩევანი ექნება და ზუსტად ასეთ მრავალფეროვან პარლამენტს მივიღებთ მომავალში", - განაცხადა გამყრელიძემ.
იხილეთ დედანი
