”ინტერპრესნიუსი”

არასამთავრობო ორგანიზაცია "საზოგადოებრივი დამცველის" შეფასებით, ხელისუფლების მიერ "რვიანისათვის" წარდგენილი საარჩევნო პაკეტი სამართლიან საარჩევნო გარემოს ვერ უზრუნველყოფს .
როგორც ~ინტერპრესნიუსს~ ორგანიზაციის წარმომადგენელმა, "რვიანისა" და ხელისუფლების მოლაპარაკებების დამკვირვებელმა კახა კახიშვილმა განუცხადა, ხელისუფლების მიერ წარმოდგენილი საარჩევნო პაკეტი კონსტიტუციასა და კანონმდებლობას ეწინააღმდეგება.
მისი თქმით, 2003 წელს რეფერენდუმზე მოსახლეობის 90 პროცენტმა გადაწყვიტა, რომ 150-კაციანი პარლამენტი უნდათ. წარმოდგენილ პაკეტში კი ეს რიცხვი იზრდება.
კერძოდ, 83 მაჟორიტარი და 107 პროპორციული წესით აირჩევა, რაც რეფერენდუმის შედეგებს ეწინააღმდეგება.
კახიშვილი უსამართლოს უწოდებს ასევე საარჩევნო ბარიერთან და დაფინანსებასთან დაკავშირებულ ასპექტს. მისი თქმით, ხუთპროცენტიან ბარიერგადალახულებისათვის მილიონის ლარის მიცემა და ახალი სასტარტო პარტიებისთვის არანაირი დაფინანსება უსამართლობაა. კახიშვილი კიდევ რამდენიმე გარემოებას უთითებს, რის გამოც, მისი შეფასებით, წარმოდგენილი საარჩენო პაკეტით სამართლიანი არჩევნების ჩატარება უზრუნველყოფილი ვერ იქნება.
ხელისუფლების შეთავაზებას "რვიანის" მხოლოდ ორი წევრი - ქდმ და ~ახლები~ დათანხმდნენ. ექვსმა სუბიექტმა კი შეთავაზებაზე უარი განაცხადა. რვიანი ამ ორმა პარტიამ დატოვა.

http://www.interpressnews.ge/ge/politika/173023-qsazogadoebrivi-damcvelisq-shefasebith-khelisuflebis-mier-tsardgenili-saarchevno-paketi-samarthlian-saarchevno-garemos-ver-uzrunvelyofs.html