”პირველი”

"ეროვნული საბჭოს" ერთ-ერთი ლიდერის ზვიად ძიძიგურისთვის საქართველოში აშშ-ის ელჩის ჯონ ბასის დღევანდელი განცხადების მეორე ნაწილია საინტერესო.

როგორც "პირWელთან" საუბრისას ძიძიგურმა აღნიშნა, "განცხადების პირველ ნაწილში ელჩმა ის პარტიები წაახალისა, რომლებმაც ხელისუფლების საარჩევნო ცვლილებების წინადადებებს ხელი მოაწერეს, ხოლო მეორე ნაწილში "ექვსეულს' გააქტიურება უსურვა, რათა უკეთესი შეთანხმება შედგეს".



"ჩვენთვის ამ განცხადების მეორე ნაწილია უფრო საინტერესო, ვინაიდან მიგვაჩნია, რომ დამაკმაყოფილებელი შეთანხმება, რომელიც პარტიათა ნაწილსა და ხელისუფლებას შორის შედგა, მიუღებელია და გაცილებით უკეთესი შეთანხმების მიღწევა შეიძლებოდა. შეიძლება, მომავალში, თუ კი სწორ პოლიტიკურ აქტივობას განვახორციელებთ, ამას მივაღწიოთ", - აცხადებს ძიძიგური.

ცნობისთვის: საქართველოში აშშ-ის ელჩი ჯონ ბასი საკუთარი ქვეყნის სახელით კიდევ ერთხელ ადასტურებს, რომ "აშშ მხარს უჭერს არა რომელიმე კონკრეტულ პირსა და პარტიას, არამედ საქართველოს, ქვეყნის საზოგადოებას და მტკიცე დემოკრატიული ინსტიტუტების ჩამოყალიბებას, რომლის ფარგლებშიც საზოგადოებრივი ნების გამოხატვა იქნება უზრუნველყოფილი".

ამასთან, იგი აცხადებს, რომ "შეთანხმება, რომელსაც ხელისუფლება და ზოგიერთი პოლიტიკური ძალა აწერს ხელს, წინაგადადგმული ნაბიჯია" და იმედს გამოთქვამს, რომ "უახლოეს პერიოდში ის ძალები, რომლებიც ხელმოწერის მონაწილეები არ გახდნენ, ხელისუფლებასთან საერთო ენის გამოძებნის მიზნით გააქტიურდებიან".

http://pirweli.com.ge/index.php?option=com_content&task=view&id=73813&Itemid=1