”ექსპრესნიუსი”
15.07.11 

მიხეილ სააკაშვილმა ხელისუფლებაში მოსვლისას კონფლიქტური რეგიონების მოსახლეობასთან ახლებური ურთიერთობების დამყარების ისტორიული შანსი ხელიდან გაუშვა.
ამის შესახებ პარტია “თავისუფალი დემოკრატების” ლიდერმა ირაკლი ალასანიამ ონლაინ-კონფერენციაზე განაცხადა.
მისი თქმით, ახლა რაც არ უნდა ახალი ინიციატივებით გამოვიდეს,  ფაქტი ის არის, რომ სააკაშვილის მიდგომა კონფლიქტური რეგიონებისადმი არ შეცვლილა.
“ყველაზე დიდი პრობლემა არის ის, რომ მიხეილ სააკაშვილს არ აქვს რწმენა იმის, რომ შედეგის მიღწევა მოლაპარაკებებით არის შესაძლებელი.”- დასძინა ალასანიამ.
ალასანიამ 2005-2006 წლებში საქართველოს ბიუჯეტიდან სამხედრო შეიარაღებაზე დახარჯულ თანხებზეც გაამახვილა ყურადღება. მისი თქმით, ამ უზარმაზარი თანხებიდან ერთი მილიარდი ლარი მაინც რომ დახარჯულიყო ერთობლივ პროექტებზე, თუნდაც სოფლის მეურნეობაში ან გადამამუშავებელ მრეწველობაში და ა.შ. კონფლიქტის თავიდან აცილება იქნებოდა შესაძლებელი.

იხილეთ დედანი