”ინტერპრესნიუსი”

საარჩევნო ცვლილებებთან დაკავშირებით სპეციალური სარედაქციო ჯგუფი მომავალი კვირიდან დაიწყებს მუშაობას.
ჯგუფში ყველა იმ პარტიის წარმომადგენელი შევა, რომლებმაც საარჩევნო კანონმდებლობაში ცვლილებების შესახებ ხელისუფლების წინდადებას მოაწერეს ხელი.

ამის შესახებ პარლამენტის თავმჯდომარე დავით ბაქრაძესთან "ახალი მემარჯვენეების" წარმომადგენლების დღევანდელი შეხვედრის შემდეგ გახდა ცნობილი.
სარედაქციო ჯგუფი კანონპროექტის სახით ჩამოაყალიბებს შეთანხმებულ გადაწყვეტილებებს, რომლებიც ვენეციის კომისიაში გადაიგზავნება. შემდეგ კი, შეჯერებული წინადადებები კანონის სახეს მიიღებს.
დავით გამყრელიძის განცხადებით, სარედაქციო ჯგუფს პალიკო კუბლაშვილი უხელმძღვანელებს.
პარლამენტში გამართულ შეხვედრაში მონაწილეობდნენ დავით ბაქრაძე, პავლე კუბლაშვილი, დავით გამყრელიძე და მამუკა კაციტაძე.

http://www.interpressnews.ge/ge/politika/173558-saarchveno-cvlilebebze-specialuri-saredaqcio-jgufi-imushavebs.html