რადიო ”ჰერეთი”
14.09.2011
თელავის შუალედური არჩევნების მაჟორიტარი დეპუტატობის კანდიდატები წინასაარჩევნო კამპანიას განაგრძობენ. დღეს მოსახლეობასთან შეხვედრა "ნაციონალებისა" და "ქრისტიან დემოკრატების" კანდიდატებმა გამართეს. "ქრისტიან დემოკრატების" კანდიდატი ნიკოლოზ ლაშხი ამომრჩეველს სოფელ სანიორეში შეხვდა.
ნაციონალების კანდიდატი ვასილ დავითაშვილი კი დღეს ამომრჩეველს სოფელ აკურაში შეხვდა. ის მოსახლეობას ენერგეტიკის მინისტრმა ალექსანდრე ხეთაგურმა წარუდგინა.
შეხვედრაზე ადგილობრივებმა რამდენიმე პრობლემა დაასახელეს, მათ შორისაა შიდა გზები, გაზიფიცირება, დაზიანებული ელექტროსადენები და დენზე დანამატების საკითხი.
აკურელებს ალექსანდრე ხეთაგური პრობლემების მოგვარებას დაპირდა. რაც შეეხება გამრიცხველიანების საკითხს, მინისტრის თქმით, აკურასა და ვანთაში გამრიცხველიანება მომავალი წლის მაისს-ივნისი მოხდება.
აკურელებთან შეხვედრის შემდეგ, ისინი თელავის რაიონის სოფელ ფშაველსა და სანიორეში გაემგზავრნენ.
მაჟორიტარი დეპუტატობის კიდევ ერთი კანდიდატი "მრეწველებიდან" ვასილ არაბული საარჩევნო აგიტაციას 16 სექტემბრიდან დაიწყებს. ის პირველ შეხვედრას, თელავის მუნიციპალიტეტის სოფელ თეთრიწყლების მოსახლეობასთან გამართავს და სამოქმედო გეგმის შესახებ ისაუბრებს.
წყარო
