2012 წელს საქართველოს პარლამენტის და აჭარის უმაღლესი საბჭოს არჩევნებია დაგეგმილი, 2013 წელს - საპრეზიდენტო და 2014 წელს კი - ადგილობრივი თვითმმართველობის. სტრატეგიული გეგმა აღნიშნული არჩევნებისათვის სამზადისის განუყოფელი ნაწილია. შესაბამისად, გეგმის თანახმად, საარჩევნო ადმინისტრაცია მიზნად ისახავს სამი მნიშვნელოვანი სტრატეგიული მიზნის განხორციელებას: საარჩევნო ადმინისტრაციის მოდერნიზაციას, დაინტერესებულ მხარეებთან თანამშრომლობის გაღრმავებასა და ამომრჩეველთა მაქსიმალურ ინფორმირებას.
დოკუმენტი საარჩევნო სისტემების საერთაშორისო ფონდის (IFES) მხარდაჭერით შემუშავდა.
ცენტრალური საარჩევნო კომისია დაინტერესებულ მხარეებს სთხოვს აქტიურად ჩაერთონ დოკუმენტის განხილვაში და მიაწოდონ მას გეგმასთან დაკავშირებული შენიშვნები და მოსაზრებები ელექტრონულ მისამართზე - pr@cec.gov.ge.
საარჩევნო ადმინისტრაციის სტრატეგიული გეგმის პროექტი
წყარო: ცენტრალური საარჩევნო კომისია
