19.10.2011
საგარეო ურთიერთობათა საპარლამენტო კომიტეტის თავმჯდომარე აკაკი მინაშვილის შეფასებით, ხელისუფლების "გადაცემა" არ გამორიცხავს, რომ ხელისუფლება იგივე პოლიტიკურ ჯგუფს და იგივე ადამიანებს გადაეცეს.
ამის შესახებ აკაკი მინაშვილმა ჟურნალისტებს აშშ-ს სახელმწიფო მდივნის მოადგილის უილიამ ბერნსის განცხადების კომენტირებისას უთხრა, სადაც მან აღნიშნა, რომ სამართლიანი არჩევნების შედეგი 2013 წელს უნდა იყოს ხელისუფლების დემოკრატიული გადაცემა.
აკაკი მინაშვილის თქმით, არჩევნების შემდეგ, როგორც წესი, ხელისუფლება ხელისუფლებას გადაეცემა, არჩევნების შემდეგ მოდის ახალი ხელისუფლება. თუმცა, აკაკი მინაშვილის თქმით, ეს არ გამორიცხავს, რომ ხელისუფლება იგივე პოლიტიკურ ჯგუფს და იგივე ადამიანებს გადაეცეს. მინაშვილის თქმით, აშშ არის დემოკრატიული სახელმწიფო და ის პატივს სცემს პარტნიორ სახელმწიფოებს და მათი ხალხის არჩევანს, ამიტომ თუ ბერნსის განცხადება ისე იყო გაგებული, როგორც რეკომენდაცია, რომ ხელისუფლება 2013 წელს უნდა სხვა პოლიტიკურ ჯგუფს გადაეცეს, როგორც მინაშვილი ამბობს, აშშ თავს უფლებას არ მისცემდა, რომ მის პარტნიორი ქვეყნისთვის მსგავსი რეკომენდაცია მიეცა.
