17.10.2011
ბიზნესმენ ბიძინა ივანიშვილის განცხადებით, თუ საქართველოს ხელისუფლება მას არჩევნებში მონაწილეობის უფლებას არ მისცემს, ეს არჩევნები "ლეგიტიმურად არ ჩაითვლება".
"მათ სცადეს, პოლიტიკური პროცესებიდან ჩამოვეშორებინე, თუმცა გაჩერებას არ ვაპირებ. თუ ისინი შეეცდებიან, არჩევნებში მონაწილეობა ამიკრძალონ, ეს არჩევნები ლეგიტიმურად არ ჩაითვლება", - განაცხადა ივანიშვილმა "როიტერთან" ინტერვიუში.
ამასთან, მან რუსეთთან ურთიერთობაზეც ისაუბრა.
"ჩვენ შევძლებთ, რუსეთთან ინტერესების თანხვედრას მივაღწიოთ, თუ სწორ ნაბიჯებს გადავდგამთ" - დასძინა ივანიშვილმა.
